PUBLIZITATEA eta JOSTAILUAK

Pasa den egunean, telebista ikusten nengoala etxean, publizitatean genero bereizketan duen indarraz konturatu nintzen.

Txikitatik jostailu bakoitzak rol bat asumitzera eramaten gaitu, aukera hartzeko askatasunik eman gabe. Mutilen jostailuak denak dira kotxeak, eraiki beharreko objetuak, biolentzia transmititzen duten panpinak (Action-Man), etab. Neskentzat aldiz, sukalde bat, plastilinagaz pastelak eta postreak egin daitezkeen pastel-denda bat, ilea ebaki diezaikoen panpin bat edota perfekzioa transmititzen duen panpina plurienpleatu bat (Barbie).

Mutilei txikitatik erakusten die gauzak eaikitzen, kotxeen eta futbolaren zale egiten; neskei aldiz, badirudi ama izateko prestatzen daudela eta guzti hori bai lehengo eta gaur egungo publizitatuen oso ondo erreflexatuta geratzen da (neskak panpinari biberoia ematean edota mutilak Spidermanen panpinarekin gaiztoa dena suntsitzen dutenean).

Orain arte, Nenuco edo antzerako panpinaren iragarkian baino ez ditut mutil bat eta neska bat ikusi panpinaren zereginak konpartitzen; ume batek azken finean, guraso bi baititu, gehienetan.

GOIZEKO GERTAKIZUNA...

Dakizuen moduan, gaur, Azaroak 25 dituenean, emakumeenganako tratu txarren aurkako egun internazionala dugu.

Asko hitzegin da egun honetaz, estatistika piloa kaleratu dira eta hauetan agertutakoak harrituta uzten gaitu guztioi: ikertu izan diren 117 herrialdetatik, %59-ak ez ditu familiarteko biolentzia erregulatzen duen lege espezifikorik. Espainia mailan, biolentzia mota honen %67-a, emakumeak separatu edota dibortziatu nahi duenean agertzen da; gainera, haurdunaldian, %30-ek zaintzak jaso ordez irainak jasotzen dituzte.

Espainian bizi diren emakumeen %9.6-ak tratu txarrak jaso ditu azken urtean. Hauen artean, atzerritarren artean tratu txarrak gehiago ematen dira Espainiar emakumeen artean baino:

Emakume atzerritarrenganako tratu txarrak	% 7
Espainiar emakumeenganako tratu txarrak	% 3.5

45-64 urte bitarteko emakumeen artean ere gehiago ematen dira genero tratu xtarrak, hauen atzetik, 30-44 urte bitarteko emakumeak aurkitzen ditugu.

Komunitate autonomoka ikusita, denetan jaitsi da genero tratu txarren portzentaia Asturias, Baleareak, Errioxa, Aragoi eta Murtzian izan ezik.

Azkenik, emakume banatuen artean ere portzentai altuagoa aurkitzen dugu bikotekidearekin bizi direnen artean baino.

Emakume bananduak	% 14.9
Bikotekidearekin bizi diren emakumeak	% 11.1

Gustatuko litzaidake estatistika gehiago jartzea edota gaiaz hitzegiten jarraitzea, baina gaur nire etxe blokean gertatu denak kezkatuta eta duda serio batekin utzi nau. Gaur goizean etxeetara bidaltzen dituzten egun honetako kartelak jartzera jeitsi gara kolarrera eta 5 minutu geroago kalerako jeitsi naizenean berriro, kartel guztiak apurtuta eta lurretik botata zeuden.

Guzti honek zer pentsa eman dit denboraldi baterako eta ez niri bakarrik. Hala nola, espero dut ni bizi naizen kale eta etxe bloke berdinean bere bikotekidearen aurka indarkeria erabiltzen duen "gizonik" inor ez egotea eta kartelena ume bihurriren baten ekintza izatea; baina Gariren abestiak esaten duen moduan, zoritxarrez, "garaipenik ezta galtzekorik gabe, esperantzara kondenatuak" gaude. Zuek zer uste duzue?

Amaitzeko, emakumeari zuzenduriko poema bat erakutsi nahi dizuet.

TRATU TXARRAK SALATU!

ASKATASUNAREN LURRALDEA?

Izenburuagatik, jakingo duzue EE.BB.-etaz ari naizela hizketan, zehazki, Kaliforniako lurraldeaz. Han, proposition 8 delako lege bat onartu da orain dela gutxi; honek, sexu bereko bikoteen arteko ezkontzak baztertzen ditu eta kolektibo honi lurralde hartan ezkonduak izateko baimena ere kentzen die. Gainera, konstituzioa aldatu behar izan dute, sexu bereko jendearen arteko ezkontza eskubidea kenduz.

Honek, Kalifornian, ezkontzaren definizioa aldatzea ekarri zuen, "gizon baten eta emakume baten arteko batuketa soilik" izanik. Legearen proposamena egin zenean, hainbat kolektibo eta pertsona mugitu ziren lege honen alde zein kontran; famatuak ere bi taldetan banatu ziren, diru laguntzak emanez eta aldeko zein kontrako bideoak grabatuz.

Azkenean, prop. 8 honek aurrera egin zuen eta bozketetan lege honekin ados zeudenak irabazi zuten % 52.5 ekin, hau da, 5.359.110 botorekin. Datu interesgarri moduan, ez zen inongo boto zuririk egon.

Tristea da ikustea nola EE.BB.-tan, lurralde gazte bat izanik, nola dabiltzan zahartzen atzera pausuak emanez. Hau ere sexu bazterketa moduan hartu beharko genuke, hango populazioko portzentai altu bati eskubide oso garrantzitsu bat kentzen baitie kolektibo bateko parte izateagatik.

Abestia: Katy Perry - Ur so gay

ARTEA eta BAZTERKETA

Gaurkoan, artearekin eta blog honetan jorratzen dugun gaiarekin zerikusia duen bideo bat erakutsi nahi dizuet. Guatemalako emakumeek, haien herrialdean jasaten duten baztertze soziala arintzeko asmotan eginiko marrazkien irudiak dira goian ikus ditzakezuenak.

Zoritxarrez, baztertze hau ez da Guatemalan bakarrik jasaten; nire moduan beste askok espero dugu egoera hau hainbat arinen aldatzea, horretarako jende askoren pentsaera aldatu behar bada ere. Bitartean, espero dut bideoaz eta irudiez gozatzea...

TEKNOLOGIA BERRIAK

Zerbaitekin hasteko, klasean egin genuen mapa kontzeptual bat erakutsiko dizuet. Bertan, teknologiei buruzko informazio laburra agertzen da eta horrekin gitxi gora behera, blog hau egitera bultzatu gaituen gaiaz zerbait gehiago jakitea espero dut.

LEHEN EGUNA...

Ongi etorri generoari buruzko blog berri honetara.

Hasiera batean blog hau izango denaren deskribapen laburra egin nahi nuke eta denboran zehar honi nolabaiteko forma eman.

Hemen defendatzen den gauza garrantzitsuena, genero edota sexu berdintasuna da. Honetarako albiste eta informazio desberdinak ematea dut helburu. Honetaz aparte, gaiarekin zerikusia duten sareko bideo batzuk eta bestelako gauzak jartzea ere gustatuko litzaidake.

Nire gogoa ez da inor epaitzea edota itsu-itsuan albisteak jartzea, baina bai nire ikuspegitik informazioa edota iritziak ematea. Nahi duen guztiak idatzi dezake eta denen iritzia kontutan hartuko da hemen.

Espero dut nire blog hau gustokoa izatea eta batek baino gehiagok berton parte hartzea, nahiz eta bertan jarritakoarekin desados egon.

Gizarte Hezkuntzako ikasgai batetik egindako blog-a denez, teknologia berriei ere eskeiniko diet sarrera pare bat, gai honi buruz agertzen diren albiste zein klasean egindako proiektu batzuk jarriz.

Sarrera gehienetan musika ezberdina sartzen saiatuko naiz, nire gustuko abestiak batzuk eta beste batzuk gaiarekin ere lotuta daudenak. Gaurkoan, A-ha taldearen Take on me; ez du gaiarekin inongo erlaziorik baina aspalditik gustatu izan zaidan abestia da.